La puntata si apre con la canzone “
Unu pipiu totu sbeliau
”, rivisitazione della popolare “Io sono Riccardo”, scritta da Renzo Cugis e Gianfranco Liori per il progetto Filastrocchen’rolll e riadattata dallo stesso Cugis. La storia di un bambino svampito e sempre in ritardo.
PIPIU SBELIAU
MAMMA MIA EST TRIGADIU SA SVELLIA NO AT SONAU
O EST CUSSU BIP-BIP-BIP, CHI NON MI ND’AT SCIDAU
FORSIS EST STÈTIU UNU BISU, CHI M’ADI FATU PENSAI
CA OI FESSIT DOMÌNIGU, INVÈCIAS A SCOLA DEPU ANDAI
BESSU A FORAS ‘E SU LETU, LESTRU CHE PIBITZIRI
TENGU DUUS MINUTUS PO MI SCIACUAI E MI BISTIRI
CIRCU AINTRU ‘E S’ARMÀDIU E PIGU SA PRIMU MALLIETA
MI DDA PÒNGIU A S’IMBRESSI AMOSTENDI S’ETICHETA
DEU SEU UNU PIPIU, A DÒNNIA LOGU LOMPU A TRIGADIU
SEU UNU SCONCAU, DEU SEU UNU PICIOCHEDDU TOTU SBELIAU
UNA DII IN CLASSI, FORSIS S’ANNU PASSAU
SEU LÒMPIU A CRATZOLAS E NO MI NDI SEU ACATAU
IN SA BORSA DE SCOLA NCI PÒNGIU SÈMPIRI DE TOTU
ERISERU PO ISBÀLLIU NCI APU POSTU SU PISITU
DEU SEU UNU PIPIU, A DÒNNIA LOGU LOMPU A TRIGADIU
SEU UNU SCONCAU, DEU SEU UNU PICIOCHEDDU TOTU SBELIAU
UNA BORTA FEMU IN SA IA, E APU INTÈNDIU A MAMMA!
“TORRA A LESTRU A DOMU, LA CA SES BESSIU A PIGIAMA”
DEU SEU UNU PIPIU, A DÒNNIA LOGU LOMPU A TRIGADIU
SEU UNU SCONCAU, DEU SEU UNU PICIOCHEDDU TOTU SBELIAU
