La puntata si apre con la canzone “Su rap de sa timoria”, rivisitazione della popolare “Il rap del terrore”, scritta da Renzo Cugis e Gianfranco Liori per il progetto Filastrocchen’rolll e riadattata dallo stesso Cugis. Un brano dedicato alle piccole paure quotidiane e alle suggestioni che provoca il buio.
SU RAP DE SA TIMORIA
BREGÙNGIA NO NDI TENGU, SI DDU DEPU NAI
FUNT MEDAS COSAS CHI MI FAINT SPANTAI
TIMU A SU SCURIU MI FAIT ATZICAI
CANDU EST LOMPENDI SU CARRU A NANNAI
TIMU IS CONTIXEDDUS, CUSSUS DE FORREDDA
CANDU CHISTIONANT DE UNA COGA NIEDDA
DE JANAS O CANDU NC’EST UNU MORTU CHI CAMINAT
UNA BRUXA BECIA CHI TOPIS COXINAT
MA DINNANTIERISERU, MI SEU APRILUTZIU
S’ARTZÌCHIDU FIAT TROPU E MI SEU TOTU SUDAU
S’ENNA DE SA DOMU ADI FATU CREEK…
E DE FORAS APU BIU UN’UMBRA A TIPU SHREK
RIT: IN DOMU EST BRINTAU FRADI MIU SCRABIONAU
TENIAT IN SA MALLIETA SU DISÉNNIU DE UNA PRETA
NO D’APU ARRECONOTU POITA FIAT TOTU SCURIU
MI EST PARTU UNU MOSTRU, UNA DUENNA O UNU TZERPIU
TIMU CANDU LAMPADA, TIMU CANDU TRONADA
TIMU CANDU PROIT E SA LUXI AMANCADA
CANDU BIU UNU FILM CHI FAIT A TIMI
NO MI DORMU E ABARRU TREMI TREMI
UNA BORTA A MESUNOTI O FIAT MESU MERÌ
A NAI SA BERIDARI FIAT A MESU DII
APU BIU UNU MOSTRU SDENDAU
FEMU DEU IN SU SPRIGU MIU
INVECIAS A SU NOTI CHI S’APU GIA CONTAU
CANDU FRADI MIU A SU NOTI EST FURRIAU
SA LUXI EST MANCADA SU CELU FIAT BLACK
UNU TRONU FORTI E UNU LAMPU ADI FATU ZACK
RIT: IN DOMU EST BRINTAU FRADI MIU SCRABIONAU
TENIAT IN SA MALLIETA SU DISÉNNIU DE UNA PRETA
NO D’APU ARRECONOTU POITA FIAT TOTU SCURIU
MI EST PARTU UNU MOSTRU, UNA DUENNA O UNU TZERPIU
